MPiMKP w Wejherowie

Mùzeùm Kaszëbskò-Pòmòrsczi Pismieniznë i Mùzyczi we Wejrowie pòwstało w 1968 r. i je jedną òd nôwôżniészich institucjów sparłãczonëch z kaszëbską kùlturą. Nawlékô do tradicje Kaszëbskò-Pòmòrsczégò Mùzeùm, jaczé ùsadzëlë w Sopòce z pòdskacënkù Aleksandra Majkòwsczégò.

Spòdlowima zadaniama MKPPiM są: zbiéranié, kònserwacjô, òbrôbianié i ùwszedniwanié ùróbkù z tematicznégò òbrëmiô mùzeùm a téż ùchòwanié dëchòwi kùlturë Kaszëb.

Westrzód mùzealnëch zbiorów nalézeta m.jin. rãkòpisë nôwôżniészich dokazów kaszëbsczi lëteraturë, np. Żëcé i przigòdë Remùsa Aleksandra Majkòwsczégò, bòkadny zbiór kaszëbsczi i pòmòrsczi prasë, òdjimczi i kartë zrzeszoné z Pòmòrzim, pamiątczi pò pisarzach i jinëch ùtwórcach z najégò regionu, kasetë i platë z kaszëbsczima mùzycznyma dokazama a téż tradicyjné instrumentë.

Ksążnica profesora Gerata Labùdë je môlã, w jaczim òstałë zebróné zbiorë tegò zasłużonégò Kaszëbë i historika.

Wicy wiadłów ò MKPPiM nalézeta na starnie: https://muzeum.wejherowo.pl/